جڤینا ڕوشه‌نبیرێن کورد ل به‌رلینێ
ئه‌ڤ ده‌مه‌ک درێژ بوو کو ل به‌رلینێ د وارێ خه‌باتێن ڕوشه‌نبیری ده ڤالاهیه‌ک هه‌بوو. ژبه‌ر ڤێ یه‌کێ ژی گه‌له‌ک ڕوشه‌نبیر گازن دکرن ئوو دگۆتن; ل پایته‌خته‌ک وه‌ک به‌رلینێ کو ب قاسێ ٧٠-٨٠ هه‌زار کورد لێ دژین ئوو د وارێ ڕوشه‌نبیری ده کار ئوو خه‌باتێن به‌ربچاڤ نایێن کرن. ب ڤێ ئاوایێ چه‌ند که‌سێن کو به‌رێ تێکلیا مه ب ئینستیتووتا کورد ڕ هه‌بوو، مه ڤالاهیه‌ک ته‌سپیت کر.
گه‌له‌ک جاران نیقاش چێ بوون ئوو ژ بۆ سازیه‌ک کو هه‌موو ڕوشه‌نبیرێن کورد ئێن ل به‌رلینێ بکاربن تێ ده جیه بگرن وه‌ره ئاڤاکرن، ئان ژی هه‌ری کێم کۆمیته‌یه‌ک وه‌ره کڤسکرن کو ئه‌ڤ کۆمیته ب کێمانی به ژی بکاربه هن خه‌باتێن ڕوشه‌نبیری ب ڕک ئوو پێک بکن. ب ڤێ ئاوایێ گه‌له‌ک پێشنیار ژ ڕوشه‌نبیران هاتن ئوو د ئه‌نجام ده بریار هات دایین کو ئه‌م پێشجڤینه‌ک لدار بخن. ل سه‌ر ڤێ یه‌کێ د پێشجڤینا کو ژڤر ئوو دو مه‌ه به‌رێ چێ بووبوو ده کۆمیته‌یا ئاماده‌کار یا جڤینا به‌رفره‌ه ژ ٥ که‌سان ( در. گوندی، فه‌همی بالایی، جه‌مال باڵکایا، گوندی ئوو ئا. خالق ) هاتبوو هلبژارتن، ئاماده‌هیا جڤینێ کرن.
ئه‌ڤ جڤین ب ئالکاریا پارله‌مه‌نێ به‌رلینه گیاسه‌ددن سایان د ١٣. ٠٣. ٢٠٠٠٩ان سه‌ه‌ت د ١٨. ٠٠ ئان ده ب ته‌ڤلێبوونا ٤٢ ڕوشه‌نبیران ل پارله‌مه‌نتۆیا به‌رلنێ ( ئابگه‌ۆردنه‌ته‌ن هاوس ) پێک هات. جڤین ژ ئالیێ گیاسه‌ددن سایان در. گوندی فه‌همی بالای ئوو جه‌مال باڵکایا ڤه هات برێڤه‌برن. د جڤینێ ده ده‌رکه‌ت هۆلێ کو ل به‌رلینێ پێویستی ب خه‌باتێن زانستی ئوو ڕوشه‌نبیری هه‌یه ئوو پێویست ئه هه‌ری کێم کۆمیته‌یه‌ک وه‌ره کڤشکرن ئوو ئه‌ڤ کۆمیته کار ئوو خه‌باتێن سازکرنا ڤێ ڕخستنێ بکه. گه‌له‌ک نیقاس د ناڤبه‌را به‌شداران ده چێ بوو
پێشنیارێن کو د جڤینێ ده هاتنه کرن ئه‌ڤ ئن
١ - کۆمیته‌یه‌ک وه‌ره هلبژارتن، ئه‌ڤ کۆمیته ئاماده‌کاریا کۆنفه‌رانسه‌ک بچووک بکه ئوو پشتره کۆنفه‌رانسه‌ک مه‌زن لدارکه‌ڤه
٢ - چارجۆڤه‌یه‌ک ژ کار ئوو خه‌باتێن ڤێ سازیێ ڕ وه‌ره دانین
٣ - نێزکاهیا ڤێ سازیێ ژ هه‌موو هێزێن سیاسی ڕ یه‌ک به
٤ - گرانیا خه‌باتێن ڤێ سازیێ د وارێ چاندی، هوونه‌ری ده به
٥ - ئه‌ڤ سازی ژ بۆ پێشکه‌تنا زمانێ کوردی پلانسازیه‌ک ده‌رینه
٦ - پشتی چوویینا ئینستیتووتێ ( کلن ) ڤالاهیه‌ک ده‌رکه‌ت هۆلێ، ئه‌م چاوا دکارن ڤێ ڤالاهیێ تژه بکن ئوو گرانیێ بدن خه‌باتێن زانستی
٧ - پێویسته ته‌ریفه‌ک ژ ڕوشه‌بیریێ ڕ هه‌به، کا ڕوشه‌نبیر کی/کێ یه ئوو چ ژێ تێ خوه‌ستن
٨ - ئه‌ڤ سازی بکاربه ب ڕیێن فه‌رمی د دبستانان ده په‌روه‌رده‌یا زارۆکان بینه ڕژه‌ڤێ
٩ - پێویستی هه‌یه کو تێگهیشتنه‌ک د ناڤبه‌را زاراڤێن کوردی ده هه‌به
١٠ - پێویست ئه ڕوشه‌نبیر ئازاد به ئوو پێشیا پێنووسا وی/وێ ڤه‌کری به
١١ - پێویسته ئه‌ڤ سازی ب خوه‌نداکاران ڕ دانووستاندنێ بکه
١٢ ئابۆریا ڕخستنێ گه‌له‌ک گرینگه، ژبه‌ر ڤێ یه‌کێ ژی پێوسته ئه‌ڤ وه‌ره چاره‌سه‌رکرن
د ئه‌نجام ده کۆمیته‌یه‌ک کو بکاربه ئاماده‌کاریا کۆنفه‌رانسه‌ک بکه هات هلبژارتن
ئه‌ندامێن کۆمیته‌یێ
دکتۆر گوندی دلبه‌رز
غیاسه‌تین سایان
جه‌مال باڵکایا
فه‌همی بالای
په‌یمان ئه‌بدوڵا
سالار شه‌ریف
کرمانج هاریکی
موحسن ئۆسمان
م. سلێمان ڕه‌شید
