نوبار Nûbar ئاهه‌نگی دامه‌زراندنی ڕێکخراوێکی گه‌نجانه‌ به‌ هێزوتوانا و بیری گه‌نجانه‌وه‌
ئێواره‌ی ڕۆژی پێنج‌شه‌ممه‌ به‌رواری 2.7.2009 ڕێکخراوی نوبار که‌ ڕێکخراوێکی خوێندکاری و ئه‌کادیمی سه‌ربه‌خۆیه‌ له‌ به‌رلین براندنبۆرگ ئاهه‌نگی دامه‌زراندیان سازکرد، که‌ تێیدا چه‌ندین که‌سایه‌تی کوردی و بیانی دانیشتوی به‌رلین و که‌سوکاری هه‌ندێک له‌ خوێندکاره‌کان به‌شداربوون.
پاش به‌خێرهینانی میوانه‌کان له‌ لایه‌ن فۆرشتاندی ڕێکخراوه‌وه،‌ ووته‌ی کردنه‌وه‌ی یاده‌که‌ له‌ لایه‌ن پرۆفیسۆر بیرگیت ئامان ـه‌وه‌ پێشکه‌شکرا، پاشان مامۆستا عه‌بدوڵا درێژ به‌ شیکردنه‌وه‌ی ناوی نوبار و هیوای به‌رده‌وامی و سه‌رکه‌وتنی ڕێکخراوه‌که‌ یاده‌که‌ی جوانکرد.
له‌ به‌شێکی تری به‌رنامه‌ی ئه‌و ئێواره‌یه‌دا دووانێك بۆ ناساندن و پرۆگرامی ڕێکخراوه‌که‌ پێشکه‌شکرا.
له‌ پێش کۆتایشدا دیلانی ده‌نگخۆش و هاورێیه‌کی موزیکژه‌نی به‌ چه‌ند گۆرانییه‌ك خۆشییان به‌خشییه‌ ئاماده‌بووان.
پاشان به‌ ده‌م خواردن و خوردنه‌وه‌ی ئاماده‌کراوه‌وه‌ ئه‌ندامانی ڕێکخراوه‌که‌ زیاتر له‌گه‌ڵ ئاماده‌بواندا که‌وتنه‌ گفتوگۆ و یه‌کترناسین. پاش پیرۆزبایی گه‌رمی ئاماده‌بووان، زۆربه‌یان پشتگیری خۆیانیان بۆ ده‌ربڕین.
له‌ دوا ته‌وه‌ری ئه‌و ئێواره‌یه‌دا به‌ موزیک و هه‌ڵپه‌رکێ‌ی کوردی تا دره‌نگانێک جۆش و خرۆشی گه‌نجانه‌ هه‌مووی شه‌که‌ت کردبوو و له‌ ڕۆژانی داهاتوشدا زۆربه‌ی به‌شداربووان تووشی گرژبوونی ماسوولکه‌کان بوبون ... ده‌ک سه‌رکه‌وتوبن.
پشتگیری و هاریکاری ئه‌م جۆره‌ ناوه‌ند و ڕێکخراوانه‌، نیشانه‌ی تێگه‌یشتنه‌ له‌ هێزوتوانا نوێیه‌کانی نه‌ته‌وه‌که‌مان .