کۆنفرانسی شه‌ره‌فنامه‌، ناسنامه‌ و سه‌رچاوه‌ی مێژووی کورد

رۆژا ئینی ١٦/١٢/٢٠١١ کۆنفرانسا شەرفنامە و ژێدەرێن دیرۆکا کورد ل باژێرێ بەرلین ل زانینگەھا ئازاد دەست ب کارێن خوە کر ل دەمژمێر ١١:٢٣ تا ١٩:٣٠ بەردەوامی کر
مامۆستا سالمێ جاسم پەیڤا ناڤەندا ھاڤیبون پێکەشکر د پەیڤا خوە دا بخێر ھاتنا ئامادەبویان کر و بەحسا گێرانا کۆنفرانسی کر و داخواز کر ل سەر جانێ شەھدێ نەمرێ درۆکزان و خەمخورێ کورد ئسمەت شەرف وانلی و ھەمی شەھیدێن کوردستانێ بێدەنگ یێک خۆلەک براوەستن، پاشرا بەرنامە و پرۆگرامێن کۆنفرانسێ روھن کرن و داخواز ژ بەشدارێن پانێلا ١ێ کرن بو دەستپێکرنێ

مامۆستە ئەحمەد بالایی کو ئێک ژ وان دیرۆکزانێن کورد بویێن وەکە مێھڤان ئامادەیی کۆنفرانسێ ببو، وەھا ئاخڤی
ئەڤ کۆنفرانسە ژێر ناڤێ شەرەفناما شەرەفخانێ بەدلسییێ کو بویە ژێدەرێ سەرەکی ژ بو دیرۆکا کوردان
شەرەفخان کەسەک ناڤدار بویە ژ ناڤدارێن کوردا ژ مرێ بدلێسێ کو باڤ و کالێن و میر بونە، ژ ھەمی بەشا بەشداری ھەبو د ڤێ کۆنفرانسی دا کەسانێن رەوشەنبیر و دیرۆکزان بابەتێن خوە ل سەر شەرەفنامێ ئانینە زمان د ڤی کۆنفرانسی دا پرس و بوچۆنێن جودا ھەبون ل سەر مژارێن وان
ھەروەسا مامۆستە بالایی دبێژیت " من چ رەخنە نەبون تەنھا گەلەک باشی نە کەتنە ناڤا بابەتی دا ھەر کەسەک ژ وان مژارەک تایبەت ھەبو ژ بەر نەبونا دەمی ب کۆرتی ئاخفتن کرن بەشەک کێم ژ کار و خەباتێ بەحس کرن، ژبەر وێ چەندە پێدڤی بو پتر بەحسا ناڤەرۆکا شەرەفنامێ کربان و ژیانا شەرەفخانێ بدلیسی باشتر گۆتبان

مامۆستە محەمەد چەلکی ل سەر کۆنفرانسی ئاخڤی. و گۆت دیتن و رایێن جودا ھەبون ل سەر درۆکێ نەخاسمە ل سەر شەرەفنامێ کو یەکەم پرتوکا کوردییە سەرەکانیا پێزانین و ئاگەھیا نە ل سەر جڤاکا کوردا د ناڤا چەرخێ ناڤین دا، گرنگیا ڤێ کۆنفرانسێ ل سەر شەرەفنامێ وەکو ناسنامە و سنۆرێن کوردستانێ دو تێگەھێن گەلەک بالکێشن د شەرەفنامێ دا کو بەریا وێ و ھەیا نھا دا ئەم د گەرلۆلا ناسی و ناساندنا سنۆر دا ناسناما خوەیا نەتەوەیی دا دزڤرین مێھڤانێن کو بەشداری کۆنفرانسێ بویین مژارێن خوە خاندن ل ژێر کورد پۆرتال ناڤ و مژارێن وان پارڤە دکە

پانێلا ١ێ، وەرگێرێن شەرەفنامێ
مامۆستا فەھمی بالایی ل سەر ھونەرێ میناتۆریێ ل دەڤ شەرەفخانێ بدلیسی مژارا خوە خاند
در ئازاد ئەحمەد مژارا خوە ل سەر شەرەفنامەیێ لە رەھەندی وەرگێراوەکەیی مەلا جەمیلێ رۆژبەیانی خاند
در سەروەر ئەبدولا مژارا خوە ل سەر شەرەفنامێ ژ وەرگێرانێن ھاینریش ئالفرێد باربیێ ئەلمان خاند
ئەڤ پانێل ژ ئالیێ پرۆ. در فەھاد ئیبراھیم ڤە ھاتە رێڤەبرن

پانێلا ٢ێ، دیرۆک و ناسنامە
در. فەرسەت مەر ´ی مامۆستایێ زانینگەھا زاخۆ ل سەر مژارا " ھەڤرکیا ئۆسمانی و سەفەویا د شەرەفنامێ دا " خاند
در. محەمەد سالھ زێباری مامۆستایێ زانینگەھا دھۆک ل سەر مژارا " شەرەفنامە وەک ژێدەرێ مێژۆیی بۆ رۆژھەلاتا ناڤین " خاند
در. حەییدەر لەشکەری مامۆستایێ زانینگەھا سەلاحەدین ل سەر مژارا " مێژۆ وەک دامەزرێنەرا ناسنامە د شەرەفنامێ دا " خاند
ئەڤ پانێلە ژ ئالیێ در. سەلاح ھرۆری ڤە ھاتە رێڤەبرن

پانێلا ٣ێ، رەھەندێ ئۆل، جڤاک و ھونەر
در. زرار سەدیق مامۆستایێ زانینگەھا دھۆک ل سەر مژارا " رەگدانەڤەیا ھەلویستێ جڤاکی ئیسلامی ل ھەمبەر کورد د شەرەفنامێ دا " خاند
در. نەوزاد ئەحمەد ئەسوەد ل سەر مژارا " شەرەفنامە د خاندنەکا سۆسیۆ دیرۆکی دا " خاند
ئەڤ پانێل ژ ئالیێ مامۆستە سەرفەراز نەقشەبەندی ڤە ھاتە رێڤەبرن

پشتی پانێل داوی ھاتین دەریێ پرسییاران ھاتە ڤەکرن، گەلەک پرس و تێبینی ھاتنە ئاراستە کرن و بەرسیڤ ل سەر ھاتنە دان

ئاماده‌کردنی: ئارمانج ئەگید نێروەیی / بەرلین