ئامادەکردنى: بورهان ئهمین/ئهڵمانیا Burhan Emîn
59 یهمین ڤیستیڤاڵ له ڕۆژی 5.2.2009 تا 15.2.2009 ی خایاندو تیایدا 386 فلیم نیشاندران، لهپاڵ ئهوانیش 293 فلیمی تریش بهمهبهستی سهوداکردن وکڕین وفرۆشتن هاتنه نمایشکردن ولهڕۆژێکدا 89 فلیم له چوارچێوهی ڤیستیڤاڵهکه له سینهماکانی بهرلین پیشانی بینهران دران، ئهمساڵ ئهڵمانیا به ژمارهیهکی زۆری فلیمهوه هاته مهیدان وجێی سهرنجی تهماشاکهران وعاشقانی ئهو هونهره گهورهیهبوو ،ناوهرۆکی فلیمهکانی ئهمساڵ جیاله ساڵانی تر کێشه سیاسی وئابوریهکانی جیهانیان بهخۆوهگرتبوو وهک ئهو قهیرانه ئابوریهی که سهرتاپای جیهانی گرتۆتهوهو چهندین مهسهلکهی مرۆڤایهتی وسیاسی تایبهت بهههموو دونیا ،لهدوا ڕۆژی ڤیستیڤاڵدا ئهو 18 فلیمه ههڵبژێردران که خرابوونه بازنهی ڕکابهری یهکدی بهمهبهستی وهرگرتنی خهڵاتی ڤیستیڤاڵهکه.
فلیمی (شیری خهراپ) ی ژنه دهرهێنهری پیرۆیی (کلاودیا لیوسا) توانی خهڵاتی یهکهمین بهدهست بهێنێت و وورچی زێڕین وهربگرێت ،ئهم فلیمه باس له ئازاری و ئهشکهنجهکانی ژنانی ووڵاتی (بیرۆ) دهکات کهلهئهنجامی شهڕوشۆڕهکانی ساڵانی 1980 تا 2000 تووشی هاتوون وتا ئێستاش پێوهی دهتلێنهوه، فلیمهکه بهشێوهیهکی ڕیالیزمی و بهڵگهنامهیی ئهو ساته ناخۆش ومهرگهساتانهی ژنانی ووڵاتهکه دهگێڕێتهوه که بهدهستی زوڵم وفڕاندن وغهدرلێکردنهوه تووشی بوون وئهو نهخۆشی و ئازارانهش باسدهکات که بۆمناڵهکانیان گواستراونهتهوه، بهڵام خهڵاتی وورچی زیوین درا به فلیمێکی ئهڵمانی بهناوی(ههموو ئاوانهی تریش) لهدهرهێنانی ژنه هونهرمهند (مارین ئاد) و فلیمێکی ئهرژهنتینی بهناوی (جیگانتی)لهدهرهێنانی (ئهدریان بینییز)، سهرهڕای ئهمهش دهیان خهڵاتی تر لهبوارهکانی تری ئهو هونهره مهزنه پێشکهش به هونهرمهندانی جیهانی کران لهوانه خهڵاتی باشترین دهرهێنان درایه هونهرمهدێکی ئێرانی بهناوی ( ئهسغهر فهرهادی ) وخهڵاتی باشترین ئهکتهر درابه ( سوتیجوی کویاتی ) له فلیمی ( ڕووباری لهندهن ) لهدهرهێنانی هونهرمهندی جهزائیری ( ڕهشید ئهبوشوارب ) ،خهڵاتی باشترین سیناریۆ درابه ( ئۆرین مۆفیرمان وئهلیساندرۆ کامۆن ) ی ئهمریکی وکه فلیمهکهیان باشێوهیهکی ناڕاستهوخۆ باس له شهڕی ئهمریکا –عێراق دهکات ،ههروهها خهڵاتی باشترین مۆسیقا ومۆنتاژو کاره هونهریهکانی تریش بهخشراو لهماوهی 11 ڕۆژی پڕ له داهێنان وجوانی هونهرو بهخشش وئهفراندن ڤیستیڤاڵ کۆتایی بهکارهکانی هێنا.
ئهمساڵ زۆرترین بینهر هاتنه بیننی فلیمهکانی ڤیستیڤاڵ ،270 ههزار پلێت فرۆشراو20 ههزار پلێتی تریش بهخۆڕایی درابونه بانگهێشتکراوهکان، شاری بهرلین جمهی دههات لههونهرمهندانی سهرتاپای جیهان، ئوتێل و قاوهخانه و گازینۆ و شوێنه گشتیهکان پڕ ببون له میوانانی هونهری حهوتهم ،لهههموو شوێنێک باس ههر باسی سینهماو ناوهرۆکی فلیمهکان و سهرکهوتوهکان بوو ،دیداری هونهری گهورهو گفتوگۆ و سیمیناری هونهری له هۆڵهکانی ناو ( پۆتسدام پلاتس ) دهگێڕدراو هونهرمهندانی 60 ووڵاتی جۆربهجۆری دونیا له ڕۆژی ڤالانتایندا گوڵی خۆشهویستیان دالهبهرۆکی یهکتری
باشترین فلیم - خهڵاتی زیوین
Everyone else - Maren Ade |
باشترین فلیم - خهڵاتی زێڕین
The Milk Of Sorrow - Claudia Llosa |
باشترین فلیم - خهڵاتی زیوین Gigante - Adrián Biniez
|
باشترین دهرهێنهر خهڵاتی زیوین Asghar Farhadi
|
Sotigui Kouyate باشترین ئهکتهری پیاو
|
Birgit Minichmayr باشترین ئهکتهری ژن |
Foto: www.berlinale.de
بۆ زانیاری زیاتر له سهر وهرگرانی خهڵاتهکان ->>> بهردهوامبه
59 yemîn vîstîval le rojî 5.2.2009 ta 15.2.2009 î xayandu tiyaîda 386 flîm nîşandran, lepal ewanîş 293 flîmî tirîş bemebestî sewdakirdin ukirîn ufroştin hatine nimayşkirdin ulerojêkda 89 flîm le çwarçêwey vîstîvaleke le sînemakanî berlîn pîşanî bîneran dran, emsal elmaniya be jimareyekî zorî flîmewe hate meydan ucêyî serncî temaşakeran u'aşqanî ew hunere gewreyebû ,nawerokî flîmekanî emsal ciyale salanî tir kêşe siyasî waburiyekanî cîhaniyan bexowegirtbû wek ew qeyrane aburiyey ke sertapay cîhanî girtotewew çendîn meselkey mirovayetî usiyasî taybet behemû duniya ,ledwa rojî vîstîvalda ew 18 flîme helbjêrdran ke xirabûne bazney rkaberî yekdî bemebestî wergirtinî xelatî vîstîvaleke.
flîmî (The Milk Of Sorrow) î jne derhênerî pîroyî (Claudia Llosa) twanî xelatî yekemîn bedest bhênêt u ûrçî zêrîn werbigirêt ,em flîme bas le azarî u eşkencekanî jnanî ûlatî (Pîro) dekat keleencamî şeruşorekanî salanî 1980 ta 2000 tûşî hatûn uta iêstaş pêwey detlênewe, flîmeke beşêweyekî riyalîzmî u belgenameyî ew sate naxoş umergesataney jnanî ûlateke degêrêtewe ke bedestî zulm ufrandin uxedrlêkirdinewe tûşî bûn weu nexoşî u azaraneş basdekat ke bominalekaniyan gwastirawnetewe, belam xelatî ûrçî zîuîn dra be flîmêkî elmanî benawî(hemû awaney tirîş) lederhênanî jne hunermend (Maren Ade) u flîmêkî erjentînî benawî (Gigante) lederhênanî (Adrián Biniez), sereray emeş deyan xelatî tir lebiwarekanî tirî ew hunere mezne pêşkeş be hunermendanî cîhanî kiran lewane xelatî baştirîn derhênan draye hunermedêkî iêranî benawî ( Asghar Farhadi ) uxelatî baştirîn ekter drabe ( Sotigui Kouyate) le flîmî ( rûbarî lenden ) lederhênanî hunermendî cezayrî ( reşîd ebuşwarb ) ,xelatî baştirîn sînarîo drabe (Oren Moverman û Alessandro Camon) î emrîkî uke flîmekeyan başêweyekî narastewxo bas le şerî emrîka –'êraq dekat ,herweha xelatî baştirîn mosîqa umontaju kare huneriyekanî tirîş bexşraw lemawey 11 rojî pir le dahênan ucwanî huneru bexşş wefrandin vîstîval kotayî bekarekanî hêna.
emsal zortirîn bîner hatine bîninî flîmekanî vîstîval ,270 hezar plêt froşraw20 hezar plêtî tirîş bexorayî drabune banghêştkirawekan, şarî berlîn cmey dehat lehunermendanî sertapay cîhan, iutêl u qawexane u gazîno u şuwêne giştiyekan pir bibun le mîwananî hunerî hewtem ,lehemû şuwênêk bas her basî sînemaw nawerokî flîmekan u serkewtwekan bû ,dîdarî hunerî gewrew gftugo u sîmînarî hunerî le holekanî naw ( potsdamer platz) degêrdraw hunermendanî 60 ûlatî corbecorî duniya le rojî valantaynda gulî xoşewîstiyan daleberokî yektirî
zanyarî pitr ->>> Berdewam