بەڕێزان ماڵپەڕەکەمان بەشێوەیەکی نوێ بۆخزمەتی زیاتری ئێوە نوێکردۆتەوە، لێرە تەنها بابەتە کۆنەکان دەبینرێت
لەم بەستەرە ماڵپەرە نوێکە ببینە ...

به‌ بۆنه‌ی کۆچی دوایی ڕاوێژکار سوبحی به‌رواری، باڵیۆزخانه‌ی عێراق له‌ به‌رلین پرسه‌که‌ی ده‌گێردرێت. ڕۆژی چوارشه‌ممه‌ 20/6 ده‌مژمێر 15 بۆ 17 کۆچکردو ئێواره‌ی شه‌ممه‌ ڕێکه‌وتی 16/6/2012 له‌ شاری دهۆك، پاش ململانێکی سه‌خت له‌گه‌ڵ نه‌خۆشی شێرپه‌نجه‌، بۆ دوا جار ماڵئاوایی له‌ که‌س و کار و خۆشه‌ویستانی کرد.
ناونیشانی باڵێۆزخانه‌ی:
Pacelliallee 19 - 21, 14195 Berlin
U-Bahnhof3 Podbielskiallee, Dahlem

ڕێکخراوی بوون بۆ هاندانی نێوکولتوری، هه‌ڵده‌ستێت به‌سازدانی ئێواره‌کۆڕێکی کولتوری و هونه‌ری بۆ هونه‌رمه‌ند هیوا، له‌ژێر ناونیشانی : کولتور و هونه‌ر و ئینتیگراسیۆن
شوێن : باره‌گای کۆمه‌ڵ له‌
Friedrichstr. 246, 10969 Berlin
به‌رواری : 16.06.2012، کاتژمێر: 17:00

باڵیۆزخانه‌ی عێراقی له‌ به‌رلین بانگهێشتی گشت ڕه‌وه‌ندی عێراقی ده‌کات، بۆ ئاماده‌بونیان له‌ ڕۆژی کردنه‌وه‌ی باڵیۆزخانه‌‌ به‌ بۆنه‌ی که‌رنه‌ڤاڵی نه‌ته‌وه‌وه‌ که‌ بۆ دوهه‌م جاره‌ له‌ باڵیۆزخانه‌ی عێراقی سازده‌کرێت، له‌ ڕۆژی 16/6/2012 له‌ کاتژمێر 11 بۆ 17. ئه‌م ڕۆژه‌ به‌ ده‌رفه‌تێك ده‌زاندرێت بۆ به‌ دیارخستنی ڕوخساری کلتوری و ڕۆشنبیری. له‌م بۆنه‌یه‌دا پێشانگایه‌ك بۆ شێوه‌کاره‌ عێراقیه‌کان ده‌کرێته‌وه‌، له‌ هه‌مانکاتیشدا نمایشی ڕوخسار‌ی و فۆلکلۆری گشت ناوچه‌کانی عێراق ده‌کرێت و به‌ ژه‌نینی موزیکی عێراقی و چه‌ند چالاکیه‌کی تریش ئه‌و ڕۆژه‌ تێپه‌رده‌بێت..
باڵیۆزخانه‌، خۆشحاڵده‌بێت ئه‌گه‌ر هه‌ریه‌که‌ به‌ جلوبه‌رگی فۆلکلۆری خۆیه‌وه‌ ئاماده‌بێت. ناونیشانی باڵێۆزخانه‌ی:
Pacelliallee 19 - 21, 14195 Berlin
U-Bahnhof3 Podbielskiallee, Dahlem

ڕۆژى هەینى 08.06.2012، لە (زانکۆى هومبۆلدت-فاکەڵتى فەلسەفەى3/ بەشى ئیسلامناسى) کاندیدى دکتۆرا بەڕێز ( فرسەت ڕۆژبەیانى) بەرگرى لە تێزى دکتۆرایەکەى کرد کە بە ناونیشانى
( Das Unternehmen „ Mammut“- Ein politisch-militärisches Geheimdienstunternehmen in Südkurdistan in den Jahren 1942/1943 und seine Vorgeschichte)
بەڕێز ڕۆژبەیانى لە تێزەکەیدا باس لە کردەوەى ماموت دەکات ، کە بە هۆیەوە سوپاى ئەڵمانیا لە ساڵانى 1942/1943 لەدواى شکستە یەک بە دواى یەکەکانیان لەجەنگى جیهانى دووهەمدا پێویستیەکى زۆریان بە سەرچاوەیەکى نەوتى هەبووە
<< زیاتر بخوێنه‌ره‌وه‌

که‌رنه‌ڤاڵی کلتوری له‌ به‌رلین Karneval der Kulturen 25, 26, 27, 26. Mai 2012
له‌ ماوه‌ی چوار ڕۆژی ڤیستیڤاڵی کلتوری له‌ به‌رلین دا نزیکه‌ی ملیۆنێک گه‌شتیار لایه‌نه‌ ڕه‌نگاله‌ و پڕخرۆشه‌که‌ی ئه‌م شاره‌ ده‌بینن و له‌گه‌ڵی ده‌ژین. له‌ ساڵی 1995 ـه‌وه‌ یه‌کێکه‌ له‌ سه‌رنجڕاکێشترین پاراده‌کان (نمایش و ڕێکردن). سالانه‌ دانیشتوانی بەرلین و میوانەکانی به‌م که‌رنه‌ڤاڵه‌ سه‌رسام و خۆشگوزارن، بۆ ئەمساڵی ٢٠١٢ بە سەدان گروپ و ئۆتۆمبیلی ڕازاوە و ٨٠ نەتەوەی جیاواز لە گشت جیهانەوە بەشدارن، لە ناویشیاندا گروپێکی کورد لە هەرچوار پارچەکەی کوردستانەوە بەشدارن ژمارەی گروپەکە ٤٧ ـە و بە جلوبەرگی نەخشینی کوردی نمایش دەکەن. دەسپێکی ڕیکردنەکە لە ڕۆژی یەكشەممە کاتژمێر ١٢ی نیوەڕۆ دەبێت. چه‌ند وێنه‌یه‌کی ساڵانی پێشوو لەم بەستەرانە ببینە
کەرنەڤاڵی ٢٠١١
کەرنەڤاڵی ٢٠٠٨
نوێترین وێنه‌ی ئه‌مساڵیش 2012 له‌ فه‌یسبوک ته‌مه‌شا بکه‌

سەبارەت بە ڕوداوە هەنوکەییەکانی ئەمڕۆی کوردستان بەڕێز هێمن هەورامی ئەندامی ئەنجومەنی سەرکردایەتی و بەرپرسی پەیوەندیەکانی دەرەوەی پ‌د‌ك سیمنارێک سازدەکات و هاتن بۆ هەموانە لەم ناونیشانەی خوارەوە:
TU/Berlin
Strasse des 17 Juni 135
Raum H 107
U-2 Ernst-Reuter-Platz
ڕۆژی شه‌ممه‌ 26.05.2012 کات 4ی ئێواره 16.00

ئاهه‌نگی نه‌ورۆزی 2012 له‌ سێ کات و جێ ی جیاوازدا له‌ به‌رلین سازکرا
یه‌که‌م نه‌ورۆزی ئه‌مساڵ که‌ له‌ لایه‌ن ناوه‌ندی هینبونه‌وه‌ ئاماده‌کاری بۆ کرابو له‌ 21/3/2012 و له‌ یه‌کێك له‌ قه‌ڵا دێرین و به‌ناوبانگه‌کانی به‌رلین (تسیتادێلا) سازکرا.
به‌ ئاماده‌بونی سه‌دان کورد و ئه‌ڵمان و بیانی و به‌ به‌رنامه‌یه‌کی ڕازاوه‌ به‌ موزیك و گروپی هه‌ڵپه‌ڕکێ و به‌شداری هونه‌رمه‌ندی کورد ڕۆژین، هه‌روه‌ها ئاماده‌کردنی خواردنی کورده‌واری و کردنه‌وه‌ی ئاگری نه‌ورۆز دڵی ئاماده‌بوان خۆش و نه‌ورۆزیش پیرۆز کرا.
بۆ زانیاری زیاتر و بینینی وێنەکان بەردەوامبە

ناوه‌ندی یه‌کماڵ له‌ به‌رلین نه‌ورۆز بۆ منداڵان سازده‌کات.
به‌ مه‌به‌ستی ناساندنی نه‌ورۆز به منداڵه‌ چاوگه‌شه‌کانمان، ساڵانه‌ ناوه‌ندی یه‌کماڵ به‌ ئاگری نه‌ورۆز و موزیك و یاری و خواردن، نه‌ورۆز پیرۆز ده‌که‌ن. ڕۆژی هه‌ینی 23/3/2012 کاتژمێر 13 تا 19 له‌:
Yekmal - Cuvrystraße 13/14, 10997 Berlin
به‌رنامه‌که‌ ببینه‌

جەژنی نەورۆز لە یانەی ڕافیدەین ی ڕۆشەنبیری عێراقی لە بەرلین. بە بەرنامەیەکی داڕێژراوی هەمەلایەنە و موزیکی دی‌جەی و خواردنی عێراقی یانەی ڕافیدەین ئێوارەیەك بە بۆنەی هاتنی جەژنی نەورۆزەوە سازدەکات. ئێوارەی هەینی ٢٣/٣/٢٠١٢ دەمژمێر ١٩.
دعوة للإحتفال بعید نوروز
یقیم نادي الرافدین الثقافي العراقي في برلین، إحتفالا" بعید نوروز في النادي و ذلك یوم الجمعة المصادف ٢٣/٣/٢٠١٢ مع برنامج منوع و موسیقی دي‌جي و تقدیم المأکولات العراقیة، عند الساعة السابعة مساء"
یانەی ڕافیدەین
Karl Marks Str. 204, 12055 Berlin

به‌ جوانی هۆنراوه‌که‌ی پیره‌مێردی مه‌زن جه‌ژنه‌ پیرۆزه‌تان لێده‌که‌م که‌ ده‌فه‌رموێ

ئەم ڕۆژی ساڵی تازەیە، نه‌ورۆز هاتەوە
جه‌ژنێكی كۆنی کوردە، به خۆشی و بە هاتەوە

چه‌ند ساڵ، گوڵی هیوای ئێمه، پێ‌په‌ست بوو، تاکوو پار
هەر خوێنی لاوەکان بوو، گوڵی ئاڵی نەوبەهار

ئەو ڕەنگە سوورە بوو کە لە ئاسۆی بڵندی کورد
مژدەی بەیانیی بۆ گەلی دوور و نزیک ئەبرد

نەورۆز بوو، ئاگرێکی وەهای خستە جەرگەوە
لاوان بە عەشق ئەچوون بە بەرەوپیلی مەرگەوە

ئەوا ڕۆژ هەڵات لە بەندنی بەرزی ووڵاتەوە
خوێنی شەهیدە ڕەنگی شەفەق شۆق ئەداتەوە

تا ئێستە ڕووی نەداوە لە تەئریخی میللەتا
قەڵغانی گوللە، سنگی کچان بێ لە هەڵمەتا

پێی ناوێ بۆ شەهیدی وەتەن ، شیوەن و گرین
نامرن ئەوانە وا لە دڵی میللەتا ئەژین

کاتێ سه‌رمای زستان خۆی ده‌پێچێته‌وه‌و ماڵئاواییمان لێده‌کا، هه‌رچه‌ند هه‌ڕه‌شه‌ی ساڵێکی دیکه‌مان لێده‌کا، به‌ڵام له‌گه‌ڵ سه‌ره‌مه‌رگی دا موژده‌ی وه‌رزێکی دیکه‌ی قه‌شه‌نگمان پێ‌ده‌به‌خشێ، ئه‌ویش به‌هاره‌. به‌هار مانگی ئه‌فراندن و خولقاندن و داهێنانه‌. ‌یه‌که‌م رۆژی به‌هاریش سه‌ره‌تای مانگی نه‌ورۆزه، که‌ ده‌کاته‌ 21ی ئاداری زایینی. چونکه له‌ یه‌که‌مین رۆژی ئه‌و مانگه‌دا‌ رۆژێکی نوێ ده‌ست پێده‌کا، که‌ سه‌ره‌تای ژیانێکی نوێ ده‌ست پێده‌کا، هه‌ر له‌ گۆڕانی ئاووهه‌وا به‌ره‌و خۆشترو گه‌رم تر، خوێنیش له‌ له‌شی بوونه‌وه‌ردا ده‌بزوێ، ئاو و گیان له‌ هه‌ناوی رووه‌ک و دارو دره‌ختدا ده‌گه‌ڕێ، ره‌فتارو هه‌ڵسوکه‌وتی نه‌ک مرۆڤ، به‌لکو ئاژه‌ڵ و رووه‌کیش دێته‌ جۆش و خرۆش. بۆیه‌ هه‌روا به‌ سێنایی کورد ئه‌م رۆژه‌ی به‌ پیرۆز نه‌ زانیوه‌و ناوی له‌م رۆژه‌دا نه‌ناوه‌ نه‌ورۆز، که‌ واتای رۆژێکی نوێ دێ. >> به‌رده‌وامبه‌

بۆ به‌رز ڕاگرتنی یادی هه‌ڵه‌بجه‌ و ئه‌نفال و قامیشلو 16.3.2012 له‌ به‌رلین و له‌به‌رده‌م که‌نیسه‌ی وه‌بیرهێنه‌ره‌وه‌ له‌ کودام کۆبونه‌وه‌یه‌کی جه‌ماوه‌ری سازکرا، به‌مه‌به‌ستی ناساندنی مه‌رگه‌ساتی هه‌ڵه‌بجه‌ و نیشاندانی دڕنده‌یی ئه‌و ڕژێمانه‌ی که‌ کوردستانیان به‌سه‌ردا دابه‌شکراوه‌. ئه‌وه‌ی شایانی باسه‌، ئه‌وه‌یه‌ که‌ به‌ هه‌زاران پیاده‌ڕه‌وی ئه‌و سه‌نته‌ره‌ی به‌رلین سه‌رنجیان ڕاده‌کێشرا و به‌ سه‌دانیش له‌ نزیکه‌وه‌ خوازیاری زانیاری بون ده‌رباره‌ی ئه‌و مه‌رگه‌ ساته‌.
هه‌ر بۆ ڕۆژی دواتریش واتا له‌ 17/3/2012 و کۆڕێکی هه‌مه‌لایه‌نه‌ بۆ تیشکخستنه‌ سه‌ر مه‌رگه‌ساتی هه‌ڵه‌بجه‌ و هه‌نفال و سه‌رهه‌ڵدانی قامشلۆ سازکرا
به‌ڕێوه‌چونی مه‌راسیمه‌کان به‌ وێنه‌ ببینه‌

له‌ژێر ناونیشانی 30 ساڵ نه‌ورۆز له‌ به‌رلین / شپانداو، ناوه‌ندی هینبون هه‌روه‌ك هه‌موو ساڵێك و له‌ سه‌ره‌تای دامه‌زراندنیه‌وه‌ له‌ ساڵی 1981 تا ئه‌مڕۆ به‌ کردنه‌وه‌ی ئاگر و شای و خواردنی کوردی و نیشاندانی کلتوری کوردی شادی ده‌به‌خشنه‌ کورده‌کانی به‌رلین و میوانه‌کانیان.
ئه‌مساڵیش به‌ به‌رنامه‌یه‌کی ده‌وڵه‌مه‌ند و ڕێکخراو و به‌ به‌شداری کچه‌ هونه‌رمه‌ندی ده‌نگ‌خۆش ڕۆژین نه‌ررۆز پیرۆز ده‌کرێت.
Mittwoch / Çarşem, 21. März 2012
Demjimêr: 17.00
Navnîşan: Am Juliustum 64, 13599 Berlin
U-Bahn Linie 7 Zitadelle

بۆ به‌رز ڕاگرتنی یادی هه‌ڵه‌بجه‌ و ئه‌نفال و قامیشلو ڕۆژی هەینی‌ ١٦/٣ له‌ به‌رلین و له‌به‌رده‌م که‌نیسه‌ی وه‌بیرهێنه‌ره‌وه‌ له‌ کودام کۆبونه‌وه‌یه‌کی جه‌ماوه‌ری سازدەکرێت Mahnwache am 16.03.12 um 15:00 Uhr. an der Gedächtniskirche ڕۆژی دواتریش واتا شەممە لە ١٧/٣ کۆڕێکی هه‌مه‌لایه‌نه‌ بۆ تیشکخستنه‌ سه‌ر مه‌رگه‌ساتی هه‌ڵه‌بجه‌ و هه‌نفال و سه‌رهه‌ڵدانی قامشلۆ لە سازدەکرێت von 15:00 bis 19:00 Uhr in die Werkstatt der Kulturen, Wissmannstraße 32, /12049 Berlin بەشداری لە یادی ئەو مەرگەساتە، نیشانەی وەفادارییە بۆ گیانی پاکی قوربانیانی کوردستان

پاش ئه‌وه‌ی پارساڵ به‌ هاوکاری گشت کۆمه‌ڵ و ناوه‌نده‌ کوردیه‌کانی به‌رلین هه‌فته‌ی کوردی به‌ یه‌کگرتویی و سه‌رکه‌وتوانه‌ بوه‌ مایه‌ی ڕه‌زامه‌ندی کوردانی به‌رلین. ئه‌وه‌ ئه‌مساڵیش به‌ هه‌مانشێوه‌ و به‌ هاوکاری یه‌کتری به‌رنامه‌ی هه‌فته‌ی کوردی ئه‌مساڵیش به‌م شێوه‌یه‌ داڕێژرا:
1- دوهه‌مین کۆنفرانسی ژنان له‌ 9.3 .
2- پیرۆز ڕاگرتنی یادی هه‌ڵه‌بجه‌ له‌ به‌رده‌م که‌نیسه‌ی وه‌بیرهێنه‌ر 16.3
3- سمینارێك ده‌رباره‌ی ئه‌نفال، هه‌ڵه‌بجه‌، قامیشلو و شیرناخ 17.3
4- پێشوازی نه‌ورۆز 21.3
5- سمینارێك لەسەر قازی محەمەد 31.3
6- ئاهه‌نگی نه‌ورۆز 1.4
بۆ ورده‌کاری و کات و شوێنی چالاکی هه‌فته‌ی کوردی به‌رده‌وامبه‌

ڕۆژی شه‌ممه‌ 25.2.2012 کاتژمێر ١٦ بۆ ١٨ پرسەی دایکی نوژدار حەسەن برادۆستی لە سەنترومی کوردیە لەم ناونیشانە
Kurdisches Zentrum e.V. سه‌نترومی کوردی
Dresdener Str. 8, 10999 Berlin
دایکی کاکە نوژدار لە تەمەنی ٥٥ ساڵیدا و بە نەخۆشی دوا ماڵئاوایی لە خۆشەویستانی کرد.
به‌ ناوی خۆمان و هاوڕێ و دۆستانه‌وه‌ سه‌ره‌خۆشی له‌ خانه‌واده‌ به‌ڕێزه‌که‌یان ده‌که‌ین.

ڕۆژی یەكشه‌ممه‌ 26.2.2012 کاتژمێر ١٧ بۆ ١٩ پرسەکەیەتی لە ماڵی کوردان (کۆمەڵ) لەم ناونیشانە
Friedrichstr 246 / 10969 Berlin
به‌ داخێکی زۆره‌وه‌ هه‌واڵی کۆچی دوایی سه‌باح ڕه‌شید خۆشناو برای له‌تیف خۆشناومان پێگه‌یشت. له‌ ئێواره‌ی یه‌ك‌شه‌ممه‌ 5.2.2012 و به‌ نه‌خۆشی شێرپه‌نجه‌ له‌ نه‌خۆشخانه‌یه‌کی شاری به‌رلین، له‌ ته‌مه‌نی 55 ساڵیدا ماڵئاوایی له‌ که‌سوکار و خۆشه‌ویستانی کرد.
به‌ ناوی خۆمان و هاوڕێ و دۆستانه‌وه‌ سه‌ره‌خۆشی له‌ خانه‌واده‌ به‌ڕێزه‌که‌یان ده‌که‌ین.

لەسەر بانگهێشتی یانەی ڕافیدەین، هونەرمەندی شێوەکاری عێراقی عەباس مەرکەب کە دانیشتوی ئوستورالیایە بەرهەمە هونەریەکانی خۆی دەخاتە بەر دیدەی میوانانی ئێوارەی ٢٤.٢.٢٠١٢ کاتژمێر ١٩ بۆ ٢١ لە
یانەی ڕافیدەین
Karl Marks Str. 204
12055 Berlin

بانگهێشێت بۆ رەوەندی کوردی لە بەرلین
‌گمایندەی کوردی لە بەرلین هەڵدەستێت بە سازدانی کورێکی وتووێژکردن لەگەڵ بەرێز مامۆستا علی باپیر ئەمیری کۆمەڵەی ئیسلامی سەبارەت بە رەوشی ئێستای هەرێمی کوردستان.
بەروار: 18.02.12
کات: 17.00
‌شۆێن: دێرسم گمایندە
waterloo Ufer 5.7, 10961 Berlin
‌هاتن بۆ هەموانە

بەبۆنەی کۆچی دوایی سەید ( کاکەڕەش) ی باوکمان ، بەناوی بنەماڵە وتەواوی کەسوکارمانەوە سوپاسگوزاری خۆمان ئاراستەی یەکە یەکەی ئەو کەسایەتی و بەڕێزانە دەکەین لە ناوەوەی کوردستان و دەرەوە کە بەژداری پرسە و هاوخەممان بوون، هەروەها گشت خەڵکی بە ئەمەك و چاکەخوازی دەشتی هەولێر كه لە ڕۆژی بەخاك سپاردن و رۆژانی پرسە هاوکار و هاو خەممان بوون خوای گەورە پاداشتی چاکەی هەموولایەک بداتەوە .
لەگەڵ ڕێزو حورمەتمان بۆ هەموولایەك
بنەماڵەی خوالێخۆشبوو (کاکەڕەش سەید تەها سەید معروف باداوەی هەولێر)
دەقی نامەی سوپاسگوزاری بنەماڵە<<

شەست و دوهەمین فیستیڤاڵی فلیمی نێونه‌ته‌وه‌یی به‌رلیناله‌ له‌ 9 – 19/2/2012 له‌ به‌رلین ده‌سپێده‌کات.
ئه‌مساڵ له‌گه‌ڵ ئه‌وه‌ی که‌ فلیمی کوردی به‌شداری ئه‌م فیستیڤاڵه‌ نیه‌، به‌ڵام 2 ده‌رهێنه‌ری کورد به‌ 2 فلیمی خۆیان به‌شداری ده‌که‌ن.
ده‌رهێنه‌ره‌ کورده‌کان ناویان سۆلین یوسف و ئوموت داگ ـه‌.
سۆلین یوسف کچە‌ کوردێکی باشوری کوردستانه‌ له‌ شاری دهۆك، دانیشتوی به‌رلینه‌ فلیمه‌که‌ی به‌ ناوی تراتۆریا یه‌. فلیمه‌که‌ به‌ ئه‌ڵمانی‌یه‌ و 43 خوله‌ك ده‌خایه‌نێت. ئه‌م فلیمه‌ له‌م کات و شوێنانه‌ پێشکه‌ش ده‌کرێت.
<< بەردەوامبە

گولتان کیشاناك له‌ به‌رلین و سمینارێك
خاتو گولتان جێگری پارتی بێ‌دێ‌پێ و په‌رله‌مانتاری پارتی ئاشتی و دیمۆکراسی نازمی گور ڕۆژی هه‌ینی 10.2.2012 ده‌مژمێر 18 له‌ به‌رلین سمینارێك پێشکه‌ش ده‌که‌ن له ماڵا کوردان له‌م ناونیشانه‌

‌ Friedrichstr.246 / 10969 Berlin - U-Bahn: Hallesches Tor

گمایندەی کوردی بەرلین - براندنبورگ دژی ڕژێمی ترك و بەرهەلستی لە کورد کوژی مانگرتنێك ڕادەگەیەنن لە بەرلین لە بەردەم براندنبورگەتۆر
دەستپێك: ڕۆژی دوشەممە ٩ تا ١٣/١/٢٠١٢ لەم ناونیشانە
Brandenburger Tor
S-Bahn Unter den Linden/-U-Bahn Friedrichstraße
بڵاوکراوەکەیان بخوێنەرەوە

خانەوادەی مامۆستا عەبدوڵای شێخ سلیمان سوپاسی زۆری ئەو دۆست و کەس و کار و کەسایەتیانە دەکەن کە لە پرسەکەیاندا بەشدار بون چ لە بەرلین و چ لە کەرکوك و پێزانینی خۆیان دەردەبڕن بۆ ئەرك و ماندوبونی گشت لایەك.
ئەوەی شایانی باسە: پاش ساڵێک و 4 مانگ له‌ به‌ربه‌ره‌کانی له‌گه‌ڵ نه‌خۆشی‌ دا، ڕۆژی شه‌ممه‌ی 17.12.2011 و له‌ ته‌مه‌نی 55 ساڵیدا عه‌بدوڵای شێخ سلێمان دوا ماڵئاوایی له‌ ئێمه‌ و که‌س و کار و خۆشه‌ویستانی کرد. سه‌ره‌خۆشیمان بۆ خانه‌واده‌ و خۆشه‌ویستانی.
مامۆستا عه‌بدوڵا له‌گه‌ڵ ئه‌وه‌ی که‌ 8 ساڵ مامۆستای په‌یمانگای هونه‌ری بوو له‌ حه‌ویجه‌، سه‌رۆکی ڕێکخراوی براده‌رانی که‌رکوك و ئه‌ندامی کۆمیته‌ی ڕه‌وه‌ندی عیراقیش بوو، ده‌ستی نوسینی هه‌بوه‌ و چالاکوانێکی مافی مرۆڤیش بوو، له‌ به‌رلین داده‌نیشت.
ڕۆژی پێنجشه‌ممه‌ی 22.12 له‌ گۆرستانی مهه‌مه‌دانی له‌ شاری به‌رلین به‌ خاك ‌سپێردرا.

به‌ داخێکی زۆره‌وه‌ ڕۆژی هه‌ینی 16.12.2011 هه‌واڵی کۆچی دووایی هێلگا خانی ته‌مه‌ن 71 ساله‌ی هاوسه‌ری دکتۆر که‌مال فواد مان پێگه‌یشت، هه‌ربۆیه‌ به‌ ناوی خۆمان و هاوڕێیانیانه‌وه‌ سه‌ره‌خۆشی خۆمان ئاراسته‌ی به‌ڕێز کاك که‌مال و خانه‌وه‌واده‌که‌یان ده‌که‌ین.

رۆژا ئینی ١٦/١٢/٢٠١١ کۆنفرانسا شەرفنامە و ژێدەرێن دیرۆکا کورد ل باژێرێ بەرلین ل زانینگەھا ئازاد دەست ب کارێن خوە کر ل دەمژمێر ١١:٢٣ تا ١٩:٣٠ بەردەوامی کر
مامۆستا سالمێ جاسم پەیڤا ناڤەندا ھاڤیبون پێکەشکر د پەیڤا خوە دا بخێر ھاتنا ئامادەبویان کر و بەحسا گێرانا کۆنفرانسی کر و داخواز کر ل سەر جانێ شەھدێ نەمرێ درۆکزان و خەمخورێ کورد ئسمەت شەرف وانلی و ھەمی شەھیدێن کوردستانێ بێدەنگ یێک خۆلەک براوەستن، پاشرا بەرنامە و پرۆگرامێن کۆنفرانسێ روھن کرن و داخواز ژ بەشدارێن پانێلا ١ێ کرن بو دەستپێکرنێ
<< زیاتر بخوێنه‌ره‌وه‌

تاوانبارێكی 35 ساڵه‌ به‌ ناوی عه‌لی عه‌سکه‌ر حه‌سه‌ن به‌ره‌کات، که‌ کوردێکی باشوری کوردستانه‌ ئێستا دانیشتوی ئه‌ڵمانیایه‌ له‌ شارۆچکه‌ی شتۆلزناو ی سه‌ر به‌ بازنه‌ی نینبورگ کچه‌ 13 ساڵی‌یه‌که‌ی خۆی که‌ ناوی سۆزان ـه‌ به‌ ده‌مانجه‌ کوشت و ئێستا هه‌ڵهاتووه‌ و پۆلیس به‌ دوایدا ده‌گه‌ڕێت، جێگای داخه‌ که‌ به‌ ناو باوکێك ده‌ستی بچێته‌ کچێکی نازداری خۆی، ئیتر له‌ ژێر هه‌ر بیانو و هۆیه‌ک بێت.
به‌ گوێره‌ی لێپێچینه‌وه‌ سه‌ره‌تاییه‌کان، ماوه‌یه‌كه‌ سۆزان به‌ هۆی کێشه‌ی له‌گه‌ڵ ماڵی باوکیدا له‌ هایمێک نیشته‌جێیه‌، به‌ هه‌وڵی فه‌رمانگه‌ی منداڵ پارێزی و له‌سه‌ر داوای دایك و باوکی، توانرا پاش نیوه‌ڕۆی 2شه‌ممه‌ی 5.12.2011 پێکه‌وه‌ به‌ مه‌به‌ستی ئاشتبونه‌وه‌ دایان بنیشێنن، به‌ڵام نه‌تواندرا پێکبهێندرێنه‌وه‌. له‌ کاتی ده‌رچونیاندا سۆزان له‌گه‌ڵ فه‌رمانبه‌رێکی منداڵ پارێزیدا ده‌بێت و به‌ره‌کات به‌ خێزانه‌که‌ی ده‌ڵێت ده‌چم بۆ لای وه‌رگێره‌که‌، به‌ڵام ڕوو ده‌کاته‌ لای سۆزان و ده‌مانچه‌که‌ی ده‌رده‌هێنێت و 2 گوله‌ ده‌نێت به‌ سه‌ریه‌وه‌ و گوله‌یه‌کیش به‌ ملیه‌وه‌.

له‌ پێناو په‌روه‌رده‌ی دروست و به‌دورخستنی منداڵ له‌ هه‌ڵه‌ و گیروگرفت و دوربون له‌ کێشه‌ی خێزانی و له‌ هه‌مانکاتیشدا خۆشگوزه‌رانی و به‌خته‌وه‌ری، سه‌نته‌ری کار له‌ به‌رلین و به‌ تایبه‌تیش له‌ نۆیکۆلن هاوکاری پرۆژه‌ی دایکانی نمونه‌یی گه‌ڕه‌ك ده‌کات.
بۆ ئه‌م مه‌به‌سته‌ش خولێکی 6 مانگی کردۆته‌وه‌، بۆ ئه‌وانه‌ی بێکارن و ده‌خوازن به‌شداری ئه‌م خوله‌ بکه‌ن ده‌توانن په‌یوه‌ندی به‌ ژماره‌ ته‌له‌فۆنی 030902394185 بکه‌ن.
له‌ هه‌مانکاتیشدا بۆ ئه‌وانی نوێن له‌ ئه‌ڵمانیا و زمان به‌ باشی نازانن ده‌توانن به‌ هه‌مان ژماره‌ په‌یوه‌ندی بکه‌ن تا بۆ کات و شوێنی دیاریکراو هاریکاری بکرێن.
>> زانیاری زیاتر ده‌رباره‌ی دایکانی نمونه‌یی گه‌ڕه‌ك بخوێنه‌ره‌وه‌

به‌ سه‌رپه‌رشتی باڵیۆزی عێراق له‌ به‌رلین دکتۆر حسین محمود الخطیب، ده‌زگای شه‌هیدانی عێراق و به‌ به‌شداری دادگای جنائی باڵا و وه‌زاره‌تی شه‌هیدان و ئه‌نفالی هه‌رێمی کوردستان به‌ هاوکاری باڵیۆزخانه‌ی عێراق له‌ به‌رلین، پێشانگایه‌کی به‌ڵگه‌یی ده‌رباره‌ی شه‌هیدانی عێراق له‌ ماوه‌ی 18-20/11/2011 ده‌کرێته‌وه‌ له‌ ژێر ناونیشانی
تاوانه‌کانی حیزبی به‌عس و سه‌دام و تاوانی دژی مرۆڤ و زانست و ڕۆشنبیری‌یه‌
هاتن بۆ هه‌موانه‌ له‌م ناونیشانه‌:
Berliner Commerzbank
Bülowstr.80, 10783 Berlin